Мұражай қызметкерлері ЮНЕСКО-ның ИКОМ ұйымының ұйымдастыруымен өткен «Мұражайды басқару: саяси және тәжірибелік бағдар беру» тақырыптық тренингіне және республикалық «Мұражай ісі» бойынша семинар-практикумына, «Елорда күнін мерекелеу тәжірибесі» тақырыбындағы ғылыми конференциясына, Орталық Азия мұражайларының мамандарына арналған «Орталық Азия музейлері: Дәстүр мен жаңашылдық» семинар-практикумына және ЮНЕСКО тарапынан мәдениеттерді жақындастырудың Халықаралық онжылдығының ашылуына байланысты өткізілген форумына қатысып қайтты. Мұражай археологтары Ресейдің Новороссийск қаласында өткен археологиялық мұраны қорғау және сармат дәуірінің мәселелеріне арналған «Алтыншы Кубаньдық конференция» жұмысына және Санкт-Петербургтағы Эрмитажда ұйымдастырылған «Орталық Азия мен Шығыс Иранның Исламға дейінгі кезеңі» атты Халықаралық археологиялық конференция жұмысына қатысып, Түркістанда жүргізілген археологиялық жұмыстар жөнінде баяндамалар жасады.
Украинаның Луцк қаласында өткен «Прошлое и настоящее Волыни и Полесья. Шацкое поозерье в мировой и украинской истории» атты Қазақстан, Ресей, Польша, Украина мемлекеттерінің археолог және мұражай мамандары қатысқан халықаралық ғылыми конференциясына қатысып оңтүстік өңірінің ең ірі ескерткіші Бөріжар қорымында жүргізіліп жатқан зерттеу жұмыстарының нәтижелеріне байланысты баяндама оқыды.
