2014 жылдың 25 шілдесінде ОҚО тарихи-өлкетану мұражайында «Мұражай қызметіндегі қор сақтау жұмыстарының негізгі ерекшеліктері, түрлері мен тәртіптері» және «Мұражайларда өлке тарихын, ұлттық тарихты зерделеудегі жаңа қағидаттар мен нәтижелерді ескере отырып көрнектеудегі негізгі мәселелер» атты семинар-кеңесі өтті.
Семинар-кеңеске облыстық мәдениет басқармасының тарихи-мәдени құндылықтарды сақтау бөлімінің басшысы Е. Алтынбек, М. Әуезов атындағы ОҚМУ-нің «Мәдениеттану, әлеуметтік жұмыс және музей ісі» кафедрасының аға оқытушысы А. Қабыл және аудандық мұражайлардың қызметкерлері қатысты.
Семинарда мұражайдағы қор сақтау жұмысынының негізгі ерекшеліктері, түрлері мен тәртіптері және реэкспозиция мәселелер туралы баяндамалар оқылды.
Семинар-кеңес жұмысының бағдарламасына сәйкес мұражай коллекцияларын сақтау тәртіптері бойынша мұражайдың қор сақтау бөлімінің қызметкерлері шеберлік шыңдау (мастер-класс) сабағын өткізді. Семинар-кеңеске қатысушылар ОҚО тарихи-өлкетану мұражайының қоры және экспозициясымен танысып, тәжірбие алмасты.
